Toshkentda Nexia yuk mashinasining tagiga kirib ketdi

Toshkent viloyati Bo‘stonliq tumanida Nexia-2 va MAN yuk avtomobili ishtirokida yo‘l-transport hodisasi sodir bo‘ldi. Bu haqda viloyat Yo‘l harakati xavfsizligi boshqarmasi xabar berdi. 

Qayd etilishicha, bugun, 22 yanvar kuni soat taxminan 20:00 larda Bo‘stonliq tumani hududidan o‘tgan D 012 “Bektemir – Chirchiq – G‘azalkent – Chorbog‘ qo‘rg‘oni” avtomobil yo‘lining 66-kilometrida haydovchi, 1976 yilda tug‘ilgan M.S  Nexia-2 rusumli transport vositasini boshqarib ketayotgan vaqtida qayrilib olish joyidan burilayotgan haydovchi, 1992 yilda tug‘ilgan A.D boshqaruvidagi MAN rusumli yuk avtomobili bilan to‘qnashib, yo‘l-transport hodisasi sodir etgan.  

Bildirilishicha, ushbu yo‘l-transport hodisasi oqibatida harakat ishtirokchilarining sog‘lig‘iga ziyon yetmagan. Hozirda holat yuzasidan Bo‘stonliq tumani IIB YHXB tomonidan surishtiruv ishlari olib borilmoqda. 

Eslatib o‘tamiz, avvalroq Toshkent shahrida 2 ta Malibu-2 ishtirokida yo‘l-transport hodisasi sodir bo‘lgan edi.