Toshkentda Lacetti bilan to‘qnashgan Nexia-3 ag‘darilib ketdi
Jamiyat
−
20 fevral 2021 4755
Toshkent shahri Mirzo Ulug‘bek tumanida Lacetti va Nexia-3 avtomobillari o‘rtasida yo‘l-transport hodisasi sodir bo‘ldi. Bu haqda Toshkent shahar Ichki ishlar bosh boshqarmasi Axborot xizmati xabar bermoqda.
Bugun, 20 fevral kuni taxminan soat 11:05 larda Toshkent shahri Mirzo Ulug‘bek tumanidagi Mirzo Ulug‘bek ko‘chasida 33 yoshli B.X. boshqaruvidagi Lacetti rusumli transport vositasi, qayrilib olish jarayonida 42 yoshli U.N. boshqaruvidagi Nexia-3 rusumli transport vositasi bilan to‘qnashuv sodir etgan.
YTH oqibatida Nexia-3 rusumli avtomobil ag‘darilib, yo‘lning qarama-qarshi tarafiga o‘tib ketgan. Haydovchi tan jarohatlari olgan, unga tibbiy yordam ko‘rsatilgan.
Mazkur holat yuzasdan tergovga qadar tekshiruv harakatlari o‘tkazilmoqda.
Live
Barchasi