Tomas Myuller rekord o‘rnatdi
Sport
−
19 Sentabr 2019 3070
Tomas Myuller “Bavariya” safida YeCHL 1-turidan o‘rin olgan “Srvena Zvezda” klubiga qarshi maydonga tushdi.
Bu Myuller uchun “Bavariya” safida Yevropa chempionlar ligasida o‘tkazgan 106-o‘yin bo‘ldi. Natijada Tomas jamoaning sobiq a’zosi Filipp Lamdan o‘tib ketdi - 105 ta o‘yin.
Shu tariqa Myuller “Bavariya”ning YeCHLda eng ko‘p o‘yin o‘tkazgan futbolchisiga aylandi.
Ma’lumot uchun, 1989 yilda tug‘ilgan Tomas Myuller "Bavariya" safida 2007 yildan beri o‘ynab keladi.12 yillik faoliyati davomida u klub bilan bir qator yutuqlarni qo‘lga kiritgan.
Tomas milliy terma jamoada 2014 yilgi Jahon kubogi g‘olibi, 2010 yilgi Jahon chempionatining bronza medali hamda "Oltin butsa"si sovrindori (5 gol + 3 asist) shuningdek, chempionatning eng yaxshi yosh o‘yinchisi.
Yevropa chempionatining ikki karra bronza medal sovrindori (2012, 2016). Germaniya terma jamoasi to‘purarlari ro‘yxatida 9-o‘rinda, shuningdek, o‘tkazilgan o‘yinlar soni bo‘yicha 11-o‘rinda turadi.
Live
Barchasi