Tadbirkorlarga yer ajratish muammosi qanday hal etiladi?

Prezident Shavkat Mirziyoyevning joriy yil 14 maydagi “Tadbirkorlik  faoliyatini qo‘llab-quvvatlash va himoya qilish tizimini takomillashtirish chora-tadbirlari to‘g‘risida”gi  farmonining mazmun mohiyati Xalqaro  press-klub sessiyasida muhokama qilinmoqda. 

Muhokamada savdo-sanoat palatasi raisi Adham Ikromov tashkil etiladigan O‘zbekiston Respublikasi Bosh vazirining Tadbirkorlar murojaatlarini ko‘rib chiqish qabulxonalarida Savdo sanoat-palatasidan ham vakil bo‘lishini aytib o‘tdi. Bu haqda O‘zA nashri xabar qilmoqda. 

Shuningdek, Xalqaro press-klub sessiyasida tadbirkorlarga  yer ajratish  bo‘yicha muammolar ham ko‘rib chiqildi. 

Adilya vaziri  Ruslanbek  Davletov bu haqida fikr bildirar ekan: “Yer ajratishda byurokratik to‘siqlar bor. Viloyatlarda hokimlar yerni  auksionga  chiqarmayaptilar. Hujjatlar stol ustida qolib ketyapti. Hokimiyatning yer ajratish bo‘yicha vakolatini qisqartirish kerak. Shu sababli Yer kodeksiga o‘zgartirishlar kiritilmoqda”, deb takidladi.