Surxondaryoda aholi xonadonidan noyob turdagi kiyiklar topildi
Jamiyat
−
09 iyun 2023 36167
Surxondaryo viloyati Uzun tumanidagi xonadonlardan birida noyob turdagi kiyik va uning bolasi saqlanayotgani aniqlandi. Bu haqda Ekologiya, atrof-muhitni muxofaza qilish va iqlim o‘zgarishi vazirligi matbuot xizmati xabar berdi.
Qayd etilishicha, kiyiklar tumanning Dehqon mahallasida yashovchi fuqaroning uyidan topilgan. Jonivorlar vazirlik ishchi guruhi va "Bobotog‘" milliy tabiat bog‘i xodimlari tomonidan vaqtinchalik Termiz hayvonot bog‘iga topshirilgan.
“Hozirda kiyikning qaysi turga mansub ekanligi, ushbu hududga qanday kelib qolgani va boshqa tafsilotlar o‘rganilmoqda”, deyiladi xabarda.
Eslatib o‘tamiz, avvalroq Surxondaryoda noyob qo‘ng‘ir ayiq bolasi topilgandi. Shuningdek, Toshkentda noyob Yevropa kiyigini olib yurgan shaxs aniqlangandi.
Live
Barchasi