Stress paytida nimalar yeyish kerak: shifokor tavsiyasi

Foydali 9516
image

Stress tanaga yomon ta’sir o‘tkazadi. Shuning uchun, inson to‘g‘ri ovqatlanishi va stressga qarshi kuch topa olishi kerak. Stressga qarshi kurashish uchun siz o‘zingizni banan va shokolad bilan “jazolashingiz” yetarli emas, garchi bu mahsulotlar antidepressantlar deb hisoblansa ham. Ular sizni biroz vaqt xursand qiladi, xolos. Siz stressni yengish uchun ovqatlanish ratsioningizni qayta ko‘rib chiqishingiz lozim. Quyida, tushkunlikka tushganingizda nimalar iste’mol qilishingiz haqida ba’zi tavsiyalarimizni beramiz. 

Kasha

Yormalar — B vitaminlarining tan olingan manbai hisoblanadi. Bu vitaminlar stress paytida tanani qo‘llab-quvvatlashda ishonchli yordamchilardir. Shifokorlarning ta’kidlashicha, kuchli stress ostida organizmga besh barobar ko‘proq B vitaminlari kerak bo‘ladi. Ammo oson yo‘ldan borishga urinmang, ya’ni hech qachon tayyor kasha sotib olib, qaynagan suvda pishirmang: ularda deyarli hech qanday vitamin va mikroyelementlar bo‘lmaydi. Tabiiy donni tanlang, tayyor bo‘lishi uchun biroz vaqt ketishi mumkin, biroq ular foydali.

Sariyog‘

Stressni yog‘larsiz yengolmaysiz. Odatdagi kungaboqar yog‘iga qo‘shimcha ravishda, boshqa turdagi o‘simlik moylari — zaytun, makkajo‘xori, xantal (yaxshisi - tozalanmagan!) va sariyog‘ ham stolingizda bo‘lishi kerak. Albatta, me’yorida.

Go‘sht, parranda go‘shti, baliq

Proteinlar barcha hujayralar, shu jumladan nerv hujayralari uchun qurilish materiali sifatida zarur. Baliq foydali omega-3 yog‘ kislotalariga ega: ular qondagi xolesterin darajasini pasaytiradi, ya’ni ular yurakka bebaho yordam beradi. Asosiysi, yog‘siz go‘sht va yog‘li baliqni tanlay olsangiz kifoya. Shunda foyda maksimal bo‘ladi.

Sutli mahsulotlar

Sut mahsulotlari ham don mahsulotlari kabi B vitaminlari manbai hisoblanadi. Bundan tashqari, ular tarkibida D vitamini mavjud bo‘lib, ularning yetishmasligi mavsumiy depressiyaga olib kelishi mumkin. Fermentlangan sut mahsulotlarini tanlang: ular oshqozon-ichak traktiga foyda keltiradi va immunitetni mustahkamlaydi.

Sabzavot va mevalar

Ularda stressni yengishga yordam beradigan antioksidantlar va A,C vitaminlari mavjud. Meva va sabzavotlardagi vitaminlar yaxshi hazm bo‘lishini ta’minlaydi, bu stressdan chiqishda yaxshi natija beradi. Har kuni meva va sabzavotlardan 5 bo‘lak yeyishga harakat qiling.

Yulduz Abdurashidova
Maqolaga baho bering
Baholaganlar: 201
Reyting: 3.1
t
×