Sobiq WBO chempioni Toshkentda jang o‘tkazadi

Boks bo‘yicha sobiq WBO chempioni britaniyalik Pol Batler navbatdagi jangini Toshkentdagi “Humo” arenada o‘tkazadi. Bu haqda jangni tashkillashtirayotgan mahalliy boks promousheni o‘z sahifasida ma’lum qildi.

Toshkentda 16 iyun kuni navbatdagi boks turniri tashkil etiladi. Musobaqada bir qancha o‘zbekistonlik va xorijdan kelgan bokschilar ishtirok etadi. 

Xususan, 53 kilogramm vazn toifasida sobiq WBO chempioni britaniyalik Pol Batler ham  ringga ko‘tariladi. Hozircha uning raqibi aniq emas. Batler oxirgi jangini mutlaq jahon chempionligi uchun Naoya Inouega qarshi o‘tkazib mag‘ub bo‘lgandi.

Shunindek, 63,5 kilogramda o‘zbekistonlik Mujibillo Tursunov qozog‘istonlik Dilshod Nurim bilan turnirning o‘ziga xos finalida to‘qnash keladi. 72 kilogramdagi turnirning yarim finalida o‘zbekistonlik Anvar Turopov, Islombek Mo‘minov, Suhrob Qayumov va qozog‘istonlik Bereket Tairovlar bahs olib boradi.

Muhsinjon Umurzoqov