Shols Ukraina uchun yangi Marshall rejasini tuzishga chaqirdi

Germaniya kansleri Olaf Shols jahon hamjamiyatini Rossiya tajovuzi oqibatida vayron bo‘lgan infratuzilmani tiklashda Ukrainaga keng ko‘lamli yordam ko‘rsatishga chaqirdi. Bu haqda u bugun, 25 oktyabr kuni Berlinda Ukrainani qayta tiklash bo‘yicha xalqaro konferensiyada aytdi.

“Ushbu konferensiyaning maqsadi XXI asr uchun Marshall rejasini yaratishdir. Ukrainaga Yevropa Ittifoqi a’zosi sifatida sodiqlik bizning zamonamizning eng izchil geosiyosiy qarorlaridan biridir”, deydi Shols.

Uning ta’kidlashicha, urush hali ham davom etayotganiga qaramay, Ukrainani tiklashni hozirdan boshlash kerak.

Olaf Shols Ukrainaning halokatli uchuvchisiz bombardimonini Rossiya uchun umidsizlik harakati deb atagan, lekin ayni paytda Germaniya tarixining o‘zi halokatli urushdan keyin ham tiklanish mumkinligini ko‘rsatganini ta’kidlagan.

“Ukrainaning farovon va demokratik YeI a’zosi, yashil energiya va yuqori texnologiyali mahsulotlar eksportchisi sifatida kelajagini rejalashtirish muhim”, deydi Germaniya hukumati rahbari.

Marshall rejasi – Ikkinchi jahon urushidan keyin Yevropani AQSH va Kanadaning iqtisodiy yordami bilan tiklash va rivojlantirish dasturi. Bu rejani 1947 yil 5 iyunda AQSH davlat kotibi, general J. K. Marshall ishlab chiqqan va uni amalga oshirish 1948—1951 yillarga mo‘ljallangan. Reja doirasida G‘arbiy Yevropa davlatlariga 17 mlrd dollar yordam berilgan.