Serxio Aguero Qatardagi JCHga borishi mumkin

Sobiq hujumchi Serxio Aguero Argentina terma jamoasi bosh murabbiyi Lionel Skaloni rejalarida bo‘lishi mumkin edi. U hali ham jahon chempionligiga intilishda muhim rol o‘ynashi kerak edi. Biroq taqdir Aguyeroni o‘zi umuman kutmagan sinovlarga duchor qildi.

Serxio Agueroning aytishicha, u Argentina bilan shu yil oxirida Qatarda bo‘lib o‘tadigan jahon chempionatiga boradi. Sobiq hujumchi nafaqaga chiqqanidan so‘ng, Jahon chempionati uchun tuziladigan "Albiseleste" jamoasining murabbiylar shtabiga kiritilishi mumkinligini ta’kidladi.

O‘tgan yili yuragi bilan bog‘liq muammolar tufayli, "Barselona"dagi faoliyatini tugatishga majbur bo‘lgan Serxio faoliyatini davom ettirayotganda edi, Qatarda Lionel Skaloni jamoasi safida maydonga tushishi mumkin edi.

Biroq, 33 yoshli futbolchi nima bo‘lishidan qat’i nazar, harakat qilishda davom etishini va milliy terma jamoaning 1986 yildan beri ilk bor jahon chempionligini qo‘lga kiritish istagida ishtirok etishiga umid qilayotganini aytdi.

"Men Qatardagi jahon chempionatiga ketyapman. Bu hafta biz murabbiylar shtabi bilan uchrashuv o‘tkazamiz. Men u yerda bo‘lishni xohlayman. Murabbiylar shtabiga qo‘shilish fikrim bor, men Skaloni va Chiki Tapiya bilan gaplashdim. Biz buni sinab ko‘rishimiz kerak. 1986 yildan keyin ilk bor jahon chempionligini qo‘lga kiritsak, unda men ham ishtirok etmoqchiman", deydi Serxio Aguero. 

Forvard uchta jahon chempionatida o‘ynaganidan keyin murabbiylar shtabi tomonda o‘tirish g‘alati tajriba bo‘lishi mumkinligini tan oldi.

 "Men Qatarda bo‘lishni xohlayman, lekin bu qanday sodir bo‘ladi? Ha u yerda futbol o‘ynamayman. Murabbiylar qatorida o‘tirish g‘alati tajriba bo‘ladi. Haqiqat shuki, agar jahon chempionatiga borsam, futbolchilarimiz  bilan birga bo‘laman, mashg‘ulotlarga ham boraman. Agar terma jamoa bilan bo‘lmasam, Qatarga bolalarim bilan birga boraman. Baribir, men Qatarga terma jamoaga ozgina motivatsiya berish uchun bo‘lsa-da, borishim kerak” degan argentinalik sobiq futbolchi.

Ma’lumot o‘rnida, Serxio Aguero bir qator top klublarda faoliyat olib borgan. Ular orasida “Atletiko Madrid”, “Manchester Siti” va “Barselona” kabi jamoalarni ko‘rish mumkin. Ayniqsa, Manchesterdagi faoliyati uni tarixdagi eng omadli hujumchilardan biriga aylantirdi. U klublardagi faoliyati davomida 508 ta bahsda ishtirok etib, 282 ta gol urishga erishgan. Argentina terma jamoasi uchun 101 ta uchrashuvda 41 gol urgan.

Ma’ruf Abdumalikov