Samarqandda 45 yoshli piyodani Nexia urib, Cobalt bosib ketdi

Ijtimoiy tarmoqlarda Samarqandda Nexia urib yuborishi oqibatida yerda xushsiz yotgan piyodani Cobalt haydovchisi ustidan bosib o‘tib ketgani aks etgan videolavha tarqaldi. Holat yuzasidan Ichki ishlar vazirligining Yo‘l harakati xavfsizligi xizmati izoh berdi.

Qayd etilishicha, voqea joriy yilning 6 mart kuni soat taxminan 21:50 da Samarqand shahri Firdavsiy ko‘chasida joylashgan “Ilhom” choyxonasining qarshisida yuz bergan. 1999 yilda tug‘ilgan Sh.A. ismli haydovchi Nexia rusumli avtomobilni boshqarib, ketayotganda yo‘lni kesib o‘tayotgan, 1977 yilda tug‘ilgan O.B.ni urib yuborgan. 

Shundan so‘ng, bir yo‘nalishda ortidan harakatlanib kelayotgan Cobalt avtomobili yerda yotgan ushbu fuqaroni bosib ketgan. Oqibatda, piyoda tan jarohatlari bilan shifoxonaga yotqizilgan.

Xabarga ko‘ra, mazkur YTH yuzasidan Samarqand shahri IIO FMB huzuridagi Tergov boshqarmasi tomonidan dastabki tergov harakatlari olib borilmoqda.