Rossiya MDH davlatlari fuqarolarining pensiyasiga doir qonunni qabul qilmoqchi

Rossiya Federatsiyasi hukumati Davlat Dumasiga MDHga a’zo davlatlar fuqarolarining pensiya ta’minoti sohasidagi huquqlarini kafolatlash to‘g‘risidagi bitimni denonsatsiya qilish to‘g‘risidagi qonun loyihasini taqdim etdi. Hujjat matni Dumaning elektron bazasiga joylashtirilgan.

“2023 yil 1 yanvardan boshlab Shartnomani bekor qilishni ta’minlash maqsadida shartnomani denonsatsiya qilish to‘g‘risidagi federal qonun 2022 yil 30 iyundan kuchga kirishi ko‘zda tutilmoqda. Pensiya masalasining nozikligini inobatga olgan holda, Rossiya Federatsiyasini Bitimdan chiqarish federal qonun shaklida rasmiylashtiriladi”, deyiladi loyihaga berilgan tushuntirish xatida.

Loyihaning tushuntirish materiallarida ta’kidlanishicha, 30 yildan ko‘proq vaqt avval imzolangan shartnoma qoidalari endi “MDH davlatlarining pensiya ta’minoti tizimining mafkurasi va asosiy tamoyillari”ga to‘g‘ri kelmaydi, bu davlatlarning fuqarolariga pensiyaga chiqqanda pensiya huquqlarini to‘liq amalga oshirish imkonini bermaydi bermaydi.

Qayd etilishicha, MDHning Armaniston, Belarus, Qozog‘iston va Qirg‘iziston kabi ayrim davlatlari bilan yangi shartnomalar allaqachon imzolangan. Shunday qilib, Rossiya Federatsiyasi tomonidan shartnoma denonsatsiya qilingan taqdirda, MDH fuqarolari uchun pensiya ta’minoti tuzilgan yangi shartnomalarga muvofiq yoki milliy qonunchilikka muvofiq amalga oshiriladi.