Rossiya Ichki ishlar vaziri O‘zbekistonga keldi
Jamiyat
−
25 iyun 18158
Rossiya Federatsiyasi Ichki ishlar vaziri Vladimir Kolokolsev amaliy tashrif bilan O‘zbekistonga keldi. Bu haqda Rossiya IIV matbuot xizmati xabar berdi.
Qayd etilishicha, Toshkent xalqaro aeroportida uni O‘zbekiston Ichki ishlar vaziri Po‘lat Bobojonov va Rossiyaning O‘zbekistondagi elchisi Oleg Malginov kutib oldi.
Bildirilishicha, rossiyalik vazir tashrifi chog‘ida qator uchrashuvlar o‘tkazadi, O‘zbekiston Respublikasi IIV Jamoat xavfsizligi boshqarmasining Muvofiqlashtirish va monitoring markazi va G‘alaba bog‘i yodgorlik majmuasiga tashrif buyuradi.
Eslatib o‘tamiz, o‘tgan oyda Rossiya Prezidenti Vladimir Putin davlat tashrifi bilan O‘zbekistonda bo‘lgandi.
Live
Barchasi
