Ronaldu va Ten Xag hamon til topisha olmayapti
Sport
−
20 Oktabr 2022 3761
"Manchester Yunayted" bosh murabbiyi Erik Ten Xag Krishtianu Ronaldu qishda jamoasini o‘zgartirishiga qarshi emas. Bu haqda Britaniya matbuot xabar berdi.
Ma’lum bo‘lishicha, Ronalduning "MYU"dan ketishi Erik Ten Xag uchun katta muammo tug‘dirmaydi. Murabbiy oxirgi paytlarda futbolchiga ishonch bildirmayapti. Portugaliyalik futbolchi ham anchadan buyon "qizil iblislar" safini tark etishi niyatida.
Ten Xag APLning so‘ngi turida Ronalduni zaxirada qoldirdi. Krishtianu Londonning "Tottenhem" klubi bilan kechgan g‘alabali o‘yinning yakunini kutmay, murabbiyning qaroriga e’tiroz bildirgan holda yechinish xonasiga kirib ketdi.
Joriy mavsumda 5 karra "Oltin to‘p" sohibi "mankunianlar" safida umumiy 10 ta o‘yinda maydonga tushib, 2 ta gol urdi va 1 ta assist qayd etdi. Transfermarkt futbolchini 20 million yevroga baholamoqda.
Shaxzod Shukurov
Live
Barchasi