Ronaldu terma jamoadan chetlatildi va jarimaga tortildi

Portugaliya futbol federatsiyasi besh karra “Oltin to‘p” sohibi Krishtianu Ronalduni bir oyga milliy terma jamoa safidagi o‘yinlardan chetlatdi va unga 255 yevro jarima belgiladi. Bu haqda federatsiya bayonotiga tayanib, jurnalist Fabritsio Romano ma’lum qildi.

Ma’lumotlarga ko‘ra, Ronaldu Portugaliya terma jamoasining Millatlar ligasi doirasida joriy yilning 14 noyabr kuni Daniyaga va 17 noyabr kuni Uelsga qarshi uchrashuvlarida ishtirok eta oladi.

Ronaldu joriy yilning 30 sentyabr kuni mashg‘ulotlar yig‘ini davomida terma jamoa ixtiyorini tark etgan. Bunga bosh murabbiy Jorje Jezusning unga bergan va’dalarini ikki marta buzgani sabab bo‘lgan.

Ronaldu Millatlar ligasining yangi mavsumida Uelsga qarshi uchrashuvda (1:0) maydonga tushgan, Norvegiyaga qarshi bahsda esa (2:1) zaxirada qoldirilgan.

Futbolchining aytishicha, dastlab u mazkur uchrashuvda o‘ynashi rejalashtirilmagan, ammo murabbiy undan 30 daqiqa o‘ynashga tayyor turishni so‘ragan. Shunga qaramay, Ronaldu maydonga tushirilmagan.

Keyinchalik hujumchi terma jamoani tark etish niyati yo‘qligini va chaqiruv olsa, o‘ynashga tayyor ekanini bildirgani aytilgan.

Portugaliya terma jamoasi Millatlar ligasidagi dastlabki 4 ta uchrashuvning barchasida g‘alaba qozonib, chorak finalga yo‘l olgan. Guruh bosqichining so‘nggi bahslarida jamoa Daniya va Uelsga qarshi maydonga tushishi kerak.

Ma’lumot uchun, 41 yoshli Krishtianu Ronaldu – Yevropa chempioni va Millatlar ligasining ikki karra g‘olibi. U faoliyati davomida “Sporting”, “Manchester Yunayted”, “Real Madrid” va “Yuventus” klublarida o‘ynagan. 2022 yilning dekabridan beri Saudiya Arabistonining “Al-Nasr” jamoasida to‘p surmoqda.