Ronaldu futbol tarixidagi eng yaxshilardan emas – Antonio Kassano

Krishtianu Ronalduni futbol tarixidagi eng yaxshi futbolchilardan biri emas. Ronalduni Indzagi yoki David Trezegega qiyoslash mumkin. Bu haqda Italiya terma jamoasi va “Real Madrid”ning sobiq hujumchisi Antonio Kassano “A Bola” nashriga bergan intervyusida gapirgan.

“Men Ronalduning 807 ta gol urgani uchun shlyapamni yechaman. Ammo Krishtianu dunyoning eng yaxshi futbolchilaridan biri emas. Ronaldu eng yaxshi to‘purarlar qatoridami? Ha,u kuchli hujumchimi bunga shubha bo‘lishi mumkin emas. Shuningdek, uning juda ko‘p sovrinlari bor. Krishtianuni Indzagi yoki Trezegega qiyoslash mumkin. Ular ajoyib o‘yinchilar edi. Lekin to‘g‘risini aytaylik, chiroyli futbol o‘ynash boshqa narsa. Gollar futbolchining qanday darajada ekanligini belgilamaydi. Andres Inesta 60 ta gol ham ura olmadi, Zidan esa yuztagina gol urishning uddasidan chiqmagan. Lekin bu daholar futbol tarixini yaratdilar”, degan Kassano.

Ma’lumot o‘rnida, Antoni Kassano 2006-2007 yillarda “Real Madrid” safida  19 ta uchrashuvda 2 ta gol urgan. Krishtianu Ronaldu esa “Qirollik” klubi tarkibida 2009-2018 yillarda 438 ta uchrashuvda maydonga tushib, 450 ta gol urgan.

Ma’ruf Abdumalikov