Ronaldu fransuz klubiga o‘tishi mumkin. Ammo bu PSJ emas

Portugaliya terma jamoasi va “Manchester Yunayted” hujumchisi Krishtianu Ronaldu faoliyatini Fransiya chempionatida davom ettirishi mumkin. Bu haqda jurnalist, insayder, Nikkolo Chekkarini ijtimoiy tarmoqdagi sahifasida xabar berdi.

Manbaga ko‘ra, portugaliyalik futbolchining agenti Jorje Mendesh “Marsel” vakillari bilan bog‘lanib, Ronalduning ehtimoliy transferni muhokama qilgan. 

Avvalroq, Ronalduda faoliyatini davom ettirish uchun faqat ikkita variant bor edi. Bular: Dortmundning “Borussiya” va Portugaliyaning “Sporting” klubi bo‘lgan. Biroq Germaniya klubining bosh direktori Xans-Yoaxim Vatske jamoanining 37 yoshli portugaliyalik futbolchini sotib olish niyati yo‘q ekanligini aytdi.

Ma’lumot uchun, ten Xag boshchiligidagi “Manchester Yunayted” Angliya Premer ligasining joriy mavsumini o‘ta omadsiz boshladi va ortda qolgan ikkita turda bir ochko ham jamg‘ara olmadi. Natijada, “qizil iblislar” musobaqa jadvalining oxirgi o‘rniga tushib ketdi.