Ronaldu 2007 yildan beri ilk bor FIFA ramziy terma jamoasiga kiritilmadi

“Al-Nasr” va Portugaliya terma jamoasi hujumchisi Krishtianu Ronaldu 2007 yildan beri birinchi marta FIFA talqini bo‘yicha tuzilgan yilning ramziy terma jamoasi tarkibiga kiritilmadi. Bu haqda “Chempionat” nashri xabar berdi.

Kecha, 27 fevral kuni FIFA tomonidan o‘tkazilgan Xalqaro “The Best” marosimida yilning eng yaxshi futbolchilaridan tuzilgan ramziy jamoa taqdim etilgan. 38 yoshli hujumchi Ronaldu ham 16 yildan beri ro‘yxatdan joy olgan. Ammo bu safar 2022 yil sarhisobiga ko‘ra tuzilgan ushbu tarkibga kiritilmagan.

Tarkib quyidagicha:

Darvozabon: Tibo Kurtua (“Real Madrid”, Belgiya).

Himoyachilar: Ashraf Hakimi (PSJ, Marokash), Joau Kanselu (“Bavariya”/“Manchester Siti”, Portugaliya), Virjil van Deyk (“Liverpul”, Niderlandiya).

Yarim himoyachilar: Kevin De Bryuyne (“Manchester Siti”, Belgiya), Luka Modrich (“Real Madrid”, Xorvatiya), Kazemiro (“Manchester Yunayted”, Braziliya).

Hujumchilar: Lionel Messi (PSJ, Argentina), Karim Benzema (“Real Madrid”, Fransiya), Kilian Mbappe (PSJ, Fransiya), Erling Xoland (“Manchester Siti”, Norvegiya).

Mushtariy G‘aniyeva