Romelu Lukaku “Inter”ga qaytishni istamoqda

Londonning “Chelsi” klubi hujumchi Romelu Lukaku Milanning “Inter” klubiga qaytishga tayyor. Bu haqda “La Gazzetta dello Sport” xabar bermoqda.

Romelu Lukaku “Inter”ga qaytish rejasi amalga oshishi uchun maoshining kamayishiga ham rozi bo‘lishi kutilmoqda. “Chelsi” hujumchisining yillik maoshini 12,5 million yevro qilib belgilagan. Lukaku biladiki, milanliklar unga bunchalik katta oylik va’da qilmaydi.

Shu bilan birga, “neradzurrilar” Lukakuni qaytarish haqida o‘ylab ko‘rmasligi mumkin. Chunki “Inter” “Sassuolo” hujumchisi Janluka Skamakki transferini rejalashtirgan.

Lukaku 2021 yil avgustida “Inter”dan “Chelsi”ga o‘tgan edi. Ammo belgiyalik hujumchining “aristokrat”lar safidagi o‘yinlari ko‘ngildagidek o‘tmayapti. Romelu Angliya Premer ligasida 17 ta uchrashuvda qatnashib, 5 ta gol va 1 golli uzatma amalga oshirgan. Statistika ham ko‘rsatib turibdiki, Lukaku “Inter”dagi kabi sermahsullik namoyish qilmayapti. Buning ustiga, londonliklar bosh murabbiyi Tomas Tuxel bilan ham munosabatlari ko‘ngildagidek emas.

Ma’ruf Abdumalikov