“Roma”ning sobiq ustozi Masharipov jamoasiga murabbiy etib tayinlandi
Sport
−
29 iyun 2022
3447“Lion” va “Roma” klublarining sobiq bosh murabbiyi Rudi Garsiya Saudiya Arabistonining “Al-Nasr” jamoasini boshqarishga kirishdi. Bu haqda klub matbuot xizmati xabar berdi.
“Al-Nasr” direktorlar kengashi raisi Musli Al-Muammar fransiyalik mutaxassis Rudi Garsiya bilan shartnoma imzoladi. Rudi klubning asosiy jamoasi bilan ishlaydi. Murabbiyning jamoamizdagi faoliyatiga muvaffaqiyatlar tilab qolamiz”, deyiladi “Al-Nasr” matbuot xizmati xabarida.
Qayd etish joizki, ushbu klub tarkibida O‘zbekiston milliy terma jamoasi a’zosi Jaloliddin Masharipov ham harakat qiladi.
Eslatib o‘tamiz, Garsiya “Al-Nasr”gacha “Sent-Eten”, “Le-Man”, “Lill”, “Roma”, "Marsel”, “Lion” va boshqa klublarda ishlagan. 2021-2022 yilgi mavsum yakunida “Al-Nasr” Saudiya Arabistoni chempionati jadvalida uchinchi o‘rinni egalladi. Osiyoning nomdor klublaridan biri “Al-Hilol” esa mamlakat chempioniga aylangan.
Ma’ruf Abdumalikov
LiveBarchasi
07 noyabr 2023
07 noyabr 2023
07 noyabr 2023