“Real” yetakchisi El-klasikoni o‘tkazib yuborishi mumkin
Sport
−
05 Oktabr 2022 2805
Madridning “Real” klubi posboni Tibo Kurtua jarohati sabab “qaymoqranglilar”ning “Barselona”ga qarshi o‘yinini o‘tkazib yuborishi mumkin.
Xalqaro tanaffusda jarohat olgan belgiyalik darvozabon “qirollik klubi”ning “Osasuna”ga qarshi o‘yinida maydonga tusha olmadi. Kurtua bugun Yevropa Chempionlar ligasi guruh bosqichi 3-turi doirasida “Real”ning “Shaxtyor”ga qarshi o‘yinida ham jamoasiga yordam bera olmaydi.
“Mundo Deportivo” xabariga ko‘ra, Kurtuaning aniq tiklanish vaqti noma’lum, shu sababli uning 16 oktyabr kuni bo‘lib o‘tadigan “Barselona”ga qarshi o‘yinda maydonga tushishi so‘roq ostida.
Joriy mavsumda Tibo umumiy 9 ta o‘yin o‘tkazib, ularning 3 tasida o‘z darvozasi dahlsizligini saqlab qoldi.
Shahzod Shukurov
Live
Barchasi