“Real Madrid” Modrichga o‘rinbosar topdi

Ispaniyaning “Real Madrid” futbol kulubi Milanning “Inter” jamoasi yarim himoyachisi Nikolo Barellani sotib olishni mo‘ljallamoqda. Bu haqda “El Nacional” nashri xabar berdi.

Hozirda “Real” safida harakat qilayotgan xorvatiyalik futbolchi Luka Modrich 36 yosh qarshilab bo‘ldi va u bilan bog‘liq uzoq muddatli rejalar tuzish qiyin. Qolversa, Toni Kross ham o‘zining cho‘qqisidan ancha pastga tushib qoldi. Shu sabab “Real Madrid”ga kuchli va yosh yarim himoyachi ortiqchalik qilmaydi.

Bundan tashqari, Madrid klubi bosh murabbiyi Karlo Anchelotti ham 25 yoshli Barellaning o‘yiniga befarq emas. Shu tufayli Anchelotti Nikoloning "Santyago Bernabeu"ga kelishiga qarshilik qilmaydi. 

Ma’lumot o‘rnida, joriy mavsumda Barella “Inter” safida barcha musobaqalar doirasida 37 ta o‘yinida maydonga tushib, 2 ta gol va 10 ta golli uzatmani amalga oshirdi. Nikoloning Milan klubi bilan amaldagi shartnomasi 2026 yilda yakunlanadi. “Transfermarkt” portali 25 yoshli futbolchini 70 million yevroga baholamoqda

Ma’ruf Abdumalikov