Putin sanksiyalarning Rossiya iqtisodiyotiga ta’siri haqida gapirdi

Ko‘plab sanksiyalar ta’siriga qaramay, Rossiya iqtisodiyoti zarbaga ishonchlik qarshilik ko‘rsatmoqda. Bu haqda Rossiya Prezidenti Vladimir Putin Belarus fuqarosi Aleksandr Lukashenko bilan uchrashuvda aytib o‘tdi, deb xabar berdi TASS.

“Barcha qiyinchiliklarga qaramay, Rossiya iqtisodiyoti sanksiyalar ta’siriga dosh bermoqda, u juda yaxshi bardosh bermoqda”, deb ishontirgan Rossiya rahbari asosiy makroiqtisodiy ko‘rsatkichlarga to‘xtalib.

Putin, shuningdek, hukumatning iqtisodiy bloki mavjud vaziyatga javob berishi muhimligini ta’kidladi. Umuman olganda, bunday sa’y-harakatlar “ijobiy samara beradi”, deydi u. 

Eslatib o‘tamiz, 24 fevralda Ukrainaga hujum boshlanishi Rossiya iqtisodini og‘ir oqibatlarga olib keldi. Putinning favqulodda qarori ortidan AQSH, YeI, Kanada, Avstraliya, Buyuk Britaniya va Yaponiya rasmiylari  Rossiyaga qarshi sanksiyalar kiritdi. 

Rus kompaniyalari aksiyalari keskin arzonlashdi, Moskva birjasida savdolar mislsiz darajada pasayish bilan o‘tdi. Gazprom, LUKOYL va boshqa yirik kompaniyalar yo‘qotishlarga uchradi.

Hujum boshlangach, Yevropa davlatlari va AQSH Rossiyaga qarshi bir necha bosqichli sanksiyalar joriy qildi. Rossiyaning VTB, “Rossiya” banki, “Otkritiya”, “Novikombank”, “Promsvyazbank”, “Sovkombank” va VEB.RF banklari SWIFT xalqaro banklararo tizimidan uzildi. AQSH va Yevropa Ittifoqi Rossiyaning oltin-valyuta zaxirasini blokladi.

Yevropa davlatlari, AQSH, Kanada Rossiya uchun o‘z havo hududini yopdi. Bu sanksiyalarga neytral davlat hisoblangan Shveysariya ham qo‘shildi. Urush fonida Ukrainani Yevropa Ittifoqi a’zoligiga qabul qilish jarayoni tezlashdi.

Kamronbey Kenjayev