Polshaga tushgan raketani kim otgani ma’lum bo‘ldi 

Olam

image

Kecha, 15 noyabr kuni Polsha hududiga ikkita raketa uchirilgan edi. Bu raketalar Ukraina Qurolli kuchlari tomonidan otilgan. Bu haqda “Associated Press” agentligi xabar berdi.

Dastlabki ma’lumotlarga ko‘ra, Polsha hududiga tushgan raketa Ukraina kuchlari tomonidan yaqinlashib kelayotgan Rossiya raketasiga qarshi uchirilgan.

Turkiya Prezidenti Rajab Toyib Erdo‘g‘an ma’lumotlar Polshada raketa qulashi bilan bog‘liq hodisada Rossiyaning aloqasi yo‘qligini ko‘rsatayotganini aytgan. 

U Germaniya kansleri Olaf Shols bilan muzokaralar chog‘ida bu hodisa texnik xatolik natijasi bo‘lishi mumkinligi haqida ma’lumot olganini aytgan

Eslatib o‘tamiz, kecha, 15 noyabr kuni tushdan keyin Rossiya armiyasi Ukrainaga yirik raketa hujumi uyushtirgan paytda Polsha hududiga ikkita raketa tushdi. Raketalar Ukraina bilan chegaradan besh kilometr uzoqlikda joylashgan Lyublin voyevodaligi (Polshadagi eng yirik ma’muriy birlik)ning Pshevoduv qishlog‘i hududiga tushgan. Hodisa oqibatida portlash yuz bergan, ikki kishi qurbon bo‘lgan.  

Rossiya Federatsiyasi Prezidentining matbuot kotibi Dmitriy Peskov CNN telekanaliga Polshadagi voqea haqida hech qanday ma’lumotga ega emasligini aytdi. Rossiya Mudofaa vazirligi esa Polsha ommaviy axborot vositalari va rasmiylarining Rossiya raketalarining Pshevoduv aholi punkti hududida qulashi haqidagi bayonotlarini "vaziyatni keskinlashtirish uchun ataylab qilingan provokatsiya" deb atadi.


Maqola muallifi

Teglar

Baholaganlar

2888

Reyting

3

Maqolaga baho bering

Doʻstlaringiz bilan ulashing

online_predictionLive

Barchasicall_made