Pogba yozda sobiq jamoasiga qaytishi mumkin
Sport
−
21 fevral 2022 2760
"Yuventus"ning yozgi transferlar oynasidagi asosiy rejalari ma’lum bo‘ldi. Gap "Manchester Yunayted" yarim himoyachisi Pol Pogba va "Roma" vingeri Nikolo Zanolo haqida ketmoqda. Bu haqda Italiya matbuoti xabar tarqatmoqda.
Pogba uchun Turin klubi bir qancha top-klublar bilan raqobatlashishiga to‘g‘ri keladi. Xususan, mavsum oxirida erkin agentga aylanadigan fransiyalik futbolchining xizmatlariga “Real” va “PSJ” klublari ham qiziqish bildirmoqda.
Joriy mavsumda 28 yoshli yarim himoyachisi "Manchester Yunayted" bilan APLning 13 ta o‘yinida maydonga tushib, 8 ta gol va bitta golli uzatmani amalga oshirdi. "Transfermarkt" portali Polni 55 million yevroga baholamoqda.
Zanologa keladigan bo‘lsak, unga "Yuventus"dan tashqari "Manchester Yunayted" ham qiziqish bildirgan. "Transfermarkt" tomonidan 33 million yevroga baholangan Zanolo bu mavsum A Serianing 20 ta o‘yinidan maydonga tushib, 2 ta gol va 2 ta golli uzatmaga mualliflik qildi.
Shaxboz Qahhorov
Live
Barchasi