Pochettino “Real bilan o‘yin haqida: ”Ularda tarix va tajriba bor, ammo..."

Bugun, 15 fevral kuni Yevropa Chempionlar ligasi nimchorak final bahslariga start beriladi. Nimchorak finalning markaziy uchrashuvida PSJ “Real Madrid”ni mehmon qiladi. Jamoalar murabbiyi va sardorlari uchrashuvdan oldin o‘tkazilgan matbuot anjumanida final oldi finalga tenglashtirilayotgan o‘yin haqida fikrlarini bildirib o‘tdi.

Karlo Anchelotti o‘yindan oldingi matbuot anjumanida  jamoalardagi bosim haqida gapirgan. 

“Bizda bo‘lgan yagona bosim PSJdek buyuk jamoaga duch kelish. O‘ylashimcha, bu bosimdan ko‘ra ko‘proq  motivatsiya bo‘lishi ham mumkin. Chunki ikki jamoa futbolchilari oldida turgan sinovlar uchun juda katta motivatsiyaga ega. Ikkala jamoa ham gol urish va g‘alaba qozonish uchun kurashadi. Bizning futbolimiz bir-biriga juda o‘xshashdir. Biz ertaga o‘zimizga ishongan holda o‘ynaymiz. Bu YeCHLning finaliga tatiydigan o‘yin bo‘ladi. Ishonaman-ki, kubok yo‘lidagi asosiy raqiblarimizdan birini mag‘lub etamiz,” degan “ Real Madrid” ustozi Anchelotti.

Shuningdek, uchrashuvdan oldingi matbuot anjumanida “los blankos” sardori Karim Benzema ham ishtirok etib, PSJ futbolchilari haqida iliq fikrlar bildirib o‘tdi.

“Mbappega qarshi o‘ynash hayajonli bo‘ladi. Messi? Ajoyib futbolchi, odamlar doimiy ravishda undan ko‘p gollar kutishadi va Messi  odamlarning istagini amalga oshiradi. Unga qarshi uzoq vaqt o‘ynab, Messi qanday qilib buni amalga oshirishini kuzatganman, biroq bugun yana bir yangi hikoya yoziladi. Neymar? U top futbolchidir. Men bilmayman u o‘yinga to‘liq tayyormi yoki yo‘q. Agar, Neymar o‘yinga to‘liq tayyor bo‘ladigan bo‘lsa, PSJ uchun ajoyib bo‘ladi”, degan Karim Benzema.

Matbuot anjumanning ikkinchi qismida parijliklar ustozi Maurisio Pochettino ishtirok etdi. Argentinalik murabbiy  “Real Madrid” boy tarixga egaligi haqida gapirdi.

“Bugun juda ham muhim uchrashuv bo‘ladi. Biz o‘z uyimizda gol urish va yutish uchun o‘ynaymiz. “Real Madrid”da bor bo‘lgan tajriba yoki tarix PSJda yo‘q, lekin bu bugun mag‘lub bo‘lish uchun o‘ynaymiz degani emas. Men o‘z jamoamga ishonaman,” deb fikr bildirgan argentinalik murabbiy.

Maurisio bilan birgalikda parijliklar sardori Markinios ham anjumanda qatnashdi va uchrashuv haqida shunday dedi:

“Bugun juda ham muhim o‘yin bizni kutib turibdi. Gol urish va g‘alaba qozonish asosiy maqsadimiz”.

Ma’lumot uchun, Serxio Ramos sobiq jaomasi “Real Madrid”ga qarshi bahsini o‘tkazib yuborishi aniq. Shuningdek Karim Benzema va Neymarning maydonga chiqishi so‘roq ostida. 

Eslatib o‘tamiz, uchrashuv Toshkent vaqti bilan ertaga 01:00 da boshlanadi. Shuningdek, “Sporting” – “Manchester Siti” o‘yini ham bo‘lib o‘tadi

Ma’ruf Abdumalikov