“Paxtakor” futbolchi va murabbiylarining maoshlari e’lon qilib boriladi

Sport

−

18 iyun 2021 visibility11088 timer1 daqiqa

Kecha, 17 iyun kuni Toshkent shahar hokimi – “Paxtakor” futbol klubi raisi Jahongir Ortiqxo‘jayev jamoa a’zolari va murabbiylari bilan klubning Qibrayda joylashgan mashg‘ulotlar bazasida uchrashuv o‘tkazdi.

Unda klub oldida turgan moliyaviy majburiyatlar shu kunlarda ijobiy hal etildi. Homiylar tomonidan ajratilgan 22 milliard so‘m pul mablag‘lari hisobidan shu kungacha yig‘ilib qolgan futbolchilar, murabbiylar va klub xodimlarining maoshlaridan bo‘lgan qarzdorliklar bartaraf etilgan.

Hokim Jahongir Ortiqxo‘jayev uchrashuv vaqtida bundan buyon “Paxtakor” futbol klubi faoliyati va moliyaviy hisobotlari shaffoflik, ochiqlik tizimida yo‘lga qo‘yilishini alohida ta’kidlagan.

Avvalroq, 9 ta Superliga va 4 ta Pro liga jamoalarining aksiyalari hokimliklar va davlat kompaniyalari ma’muriyatiga topshirilgani haqida xabar bergan edik.

Maqola muallifi