OTMlardagi kontrakt to‘lash muddati uzaytirildi
Jamiyat
−
05 yanvar 2023 4481
O‘zbekistondagi oliy ta’lim muassasalarida tahsil olayotgan talabalarning to‘lov-kontrakt mablag‘larini to‘lash muddati 20 yanvarga qadar uzaytirildi. Bu haqda Oliy ta’lim va rasmiy telegram kanalida xabar berildi.
Davlat komissiyasining tegishli qaroriga muvofiq, 2022/2023-o‘quv yilida oliy ta’lim muassasalarining bakalavriat ta’lim yo‘nalishlari, magistratura mutaxassisliklariga to‘lov-kontrakt, jumladan, tabaqalashtirilgan to‘lov-kontrakt asosida talabalikka tavsiya etilgan abituriyentlar, o‘qishi ko‘chirilgan (ko‘chirib tiklangan) va qayta tiklangan talabalar o‘qishi uchun to‘lov haqini o‘tkazish hamda talabalar safiga qabul qilishni rasmiylashtirishning so‘nggi muddati 2023 yilning 20 yanvari etib belgilandi.
Shuningdek, qaror bilan 2022 yil 10 dekabrdan keyin kontraktini to‘laganlarning to‘lovi ham inobatga olinadigan bo‘ldi.
Live
Barchasi