OPEK+ davlatlari bir-biri bilan kelisha olmadi
Olam
−
10 aprel 2020 4393
Kecha, 9 aprel kuni bo‘lib o‘tgan muzokaralar natijalariga ko‘ra OPEK+ davlatlari kelishuvga erisha olmadi. Bu haqda Qozog‘iston Energetika vazirligi matbuot xizmatiga tayanib, RIA Novosti xabar bermoqda.
Vazirlik o‘n bir soat davom etgan muzokaralar natijasida tomonlar murosaga kelmaganligi haqida xabar bergan.
“Qozog‘iston, o‘z navbatida, kelajakda neft qazib olishni umumiy qisqartirish bo‘yicha konsensusga erishilishiga umidini yo‘qotmaydi”, deyiladi Energetika vazirligi xabarida.
Shu bilan birga, RIA Novosti vaziyatdan xabardor bo‘lgan ikki manbaga tayanib, OPEK + davlatlari o‘rtasida neft qazib olishni yangi qisqartirish bo‘yicha muzokaralar bugun, 10 aprelda davom etishini xabar qilmoqda.
Live
Barchasi07 noyabr 2023
07 noyabr 2023
07 noyabr 2023