Olimjon O‘sarov lavozimini tark etdi

O‘zbekiston Oliy sudi jamoasining to‘liq tarkibdagi navbatdagi yig‘ilishida Oliy sud matbuot xizmati rahbari Olimjon O‘sarov sudlar faoliyatining ochiqligi va shaffofligi mavzuida ma’ruza qilgan. 

Ma’ruzasi yakunida Olimjon O‘sarov  lavozimini tark etishini e’lon qilgan

Oxirgi vaqtlarda ommaviy axborot vositalarida sud tizimiga oid ko‘plab tanqidiy chiqishlar bo‘lib turibdi va bu chiqishlarga o‘z vaqtida, xolis munosabat bildirish kerak. Biroq bu masalada sustkashlikka yo‘l qo‘yilib, aksariyat sudyalar va sud xodimlari OAVning sud majlislarida qatnashishiga asossiz to‘sqinlik ko‘rsatyapti, degan Olimjon O‘sarov. 

Olimjon O‘sarov 1973 yil 9 aprelda Samarqand viloyati Bulung‘ur tumanida tug‘ilgan. Toshkent davlat universiteti (hozirgi O‘zbekiston Milliy universiteti) jurnalistika fakultetini (1996), Toshkent Davlat yuridik institutining sud-prokurorlik fakultetini (2002) tamomlagan. Filologiya fanlari nomzodi, dotsent.