OFK mukofot jamg‘armasi 12 million AQSH dollari bo‘lgan turnir tashkil qiladi

Bugun, 14 avgust kuni Osiyo Futbol Konfederatsiyasi Ijroiya qo‘mitasining 2-yig‘ilishi bo‘lib o‘tdi. Yig‘ilishda OFK Ijroiya Qo‘mitasining Markaziy Osiyo mintaqasi vakili, O‘FA birinchi vitse-prezidenti Ravshan Ermatov ham ishtirok etdi. 

OFK Ijroqo‘mi klub turnirlari taqdiri bo‘yicha bir qancha muhim qarorlar qabul qildi. Yig‘ilishda jami 2024/2025 yilgi futbol mavsumida 76 ta klub ishtirok etadigan yangi  musobaqalar o‘tkazilishi ma’lum qilindi.

Qayd etilishicha, Konfederatsiya keyingi mavsumdan OFK Elita Chempionlar Ligasi turnirini yo‘lga qo‘yadi. Jami 24 ta klub ushbu turnirda ishtirok etishi ko‘zda tutilmoqda. Yangi musobaqaning mukofot jamg‘armasi Osiyo Chempionlar ligasinikidan 200 foizga kattaroq. OFK Elita Chempionlar Ligasi g‘oliblari jami 12 million AQSH dollari miqdorida mukofotlanishi rejalashtirilgan.

2024/2025 yilgi mavsumda o‘tkaziladigan futbol jamoalari turnirlari:

1. OFK Elita Chempionlar Ligasi – jami 24 ta klub ishtirok etishi ko‘zda tutilmoqda; 

2. OFK Chempionlar Ligasi 2 – jami 32 ta klub ishtirok etishi ko‘zda tutilmoqda; 

3. OFK Chaqiruv Ligasi (AFC Challenge League) – jami 20 ta klub ishtirok etishi ko‘zda tutilmoqda.

3. OFK Chaqiruv Ligasi (AFC Challenge League) – jami 20 ta klub ishtirok etishi ko‘zda tutilmoqda.

Shuningdek, OFK tomonidan 2021 va 2022 yillarda ayollar klublari o‘rtasida ikkita sinov tariqasidagi Osiyo chempionati muvaffaqiyatli tashkil etildi, uchinchisi shu yil oxirida o‘tkazilishi rejalashtirilgan.