Noqulay ob-havo sharoiti tufayli bir necha aviareys bekor qilindi

O‘zbekistonda noqulay ob-havo sharoiti tufayli bir necha parvoz bekor qilindi, ba’zi reyslar kechiktirildi yoki boshqa aeroportlarga yo‘naltirildi. Bu haqda “Uzbekistan Airports” xabar berdi.

Noqulay ob-havo sharoiti sababli ayni paytda Toshkent aeroportida quyidagi yo‘lovchi reyslari kechiktirildi:

HY9685 Toshkent-Sochi mahalliy vaqt bilan 10:12 da jo‘nab ketdi;
HY011 Toshkent-Nukus mahalliy vaqt bilan 10:30 ga qoldirildi;
TK369 Toshkent-Istanbul mahalliy vaqt bilan 10:35 ga qoldirildi;
HY271 Toshkent-Istanbul qatnovi mahalliy vaqt bilan soat 11:00 ga qadar kechiktirildi.

Shuningdek, "Uzbekistan Airways" aviakompaniyasining Buxoro-Namangan-Buxoro yo‘nalishi bo‘yicha HY73/74 reyslari noqulay ob-havo sharoiti tufayli bekor qilindi.

"Uzbekistan Airways" aviakompaniyasining HY9605 Samarqand-Moskva, HY639 Samarqand-Sankt-Peterburg yo‘nalishidagi reyslari ob-havo sharoiti tufayli soat 15:00 ga qoldirildi. HY065 Toshkent-Termiz mahalliy vaqt bilan soat 14:00 ga qadar kechiktirildi.

Flydubai aviakompaniyasining Samarqand-Dubay yo‘nalishi bo‘yicha FZ770 reysi esa soat 19:00 ga ko‘chirildi.

Hozirda Samarqand aeroportida uchish-qo‘nish yo‘lagini tozalash ishlari munosabati bilan havo kemalarini qabul qilish/jo‘natish bo‘yicha vaqtinchalik cheklovlar joriy etilgan.

Flydubai aviakompaniyasining Dubay-Samarqand yo‘nalishi bo‘yicha FDB769 reysi aeroportdagi noqulay ob-havo sharoiti tufayli Navoiy shahridagi muqobil aerodromga qo‘ndirilgan.

Noqulay ob-havo sharoiti sababli ayni paytda Toshkent xalqaro aeroportida quyidagi yo‘lovchi reyslari kechiktirilmoqda:

HY745 Toshkent-Tbilisi soat 11:00 ga qoldirildi;

HY011 Toshkent-Nukus 11:00 ga qoldirildi;

HY023 Toshkent-Buxoro kechiktirildi;

HY603 Toshkent-Moskva kechiktirildi;

HY333 Toshkent-Dubay kechiktirildi;

HY5303 Toshkent-Jidda kechiktirildi;

5P557 Toshkent-Moskva kechiktirildi;

HY091 Toshkent-Andijon bekor qilindi.