Navoiyda Matiz ag‘darilib ketdi. Bir kishi vafot etgan
3-sahifa
−
05 yanvar 2021 4314
Joriy yilning 3 yanvar kuni soat 15:35 larda Tomdi tumanida 1991 yilda tug‘ilgan haydovchi M.O. Matiz rusumli avtomobilida “Utamurot-Tomdi” yo‘nalishi bo‘ylab xarakatlanib kelgan. Tezlikni me’yoridan oshirishi oqibatida avtomobil o‘z harakat yo‘nalishiga nisbatan yo‘lning o‘ng tomon, cho‘l hududiga chiqib ketib, ag‘darilgan. Bu haqda Navoiy viloyati IIB YHXB xabar bermoqda.
Ma’lumotlarga ko‘ra, hodisa oqibatida haydovchi bosh miya yopiq jarohati, bosh miya chayqalishi tan jarohatlari olib, Tomdi tumani tibbiyot birlashmasiga yotqizilgan.
Avtomashinada yo‘lovchi sifatida ketayotgan 1991 yilda tug‘ilgan S.K. esa, olgan og‘ir tan jarohatlari natijasida voqea joyida vafot etgani ma’lum qilindi.
Mazkur holat yuzasidan Tomdi tuman IIB tomonidan fuqaro M.O.ga nisbatan jinoyat ishi qo‘zg‘atilib, dastlabki tergov-surishturuv ishlari olib borilmoqda.
Live
Barchasi