NATO xavfsizlikni kafolatlamasa, Rossiya “kontrtahdidlar rejimi”ga o‘tadi – Grushko

Agar NATO Rossiyaning xavfsizlik kafolatlari to‘g‘risidagi taklifini rad etsa, Moskva ham “tahdidga qarshi rejim”ga o‘tadi. Bu haqda Rossiya Tashqi ishlar vaziri o‘rinbosari Aleksandr Grushko “Solovyov- Live” dasturida aytib o‘tdi.

“Bugun biz chegaraga yetib keldik va takliflarimiz mutlaqo aniq, ular bizning milliy manffatimizni hech qanday yarim ohangsiz tasvirlab beradi, shuningdek Yevropada harbiy xavfsizlikni qanday ko‘rishimizni ta’riflaydi”, degan diplomat.

Rossiya Tashqi ishlar vazirining o‘rinbosari Rossiya va NATO o‘rtasidagi munosabatlarda “prinsipial jihatdan qaror qabul qilish” zarur bo‘lgan “haqiqat lahzasi” kelganini ta’kidladi.

Uning so‘zlariga ko‘ra, Moskva o‘z takliflari bilan “qarama-qarshilikning harbiy yoki harbiy-texnik ssenariysini YeXHT, Yevro-Atlantika va Yevroosiyo makonidagi barcha davlatlarning harbiy xavfsizligini chinakam mustahkamlaydigan siyosiy jarayonga qanday o‘tkazish kerakligi haqida gapirishni bildiradi”.

“Agar bu ish bermasa, biz ham qarshi tahdidlarni yaratish rejimiga o‘tamiz. Ammo keyin bizdan nima uchun bunday qarorlar qabul qilganimizni so‘rash uchun juda kech bo‘ladi”, deya Moskvaning niyatlari haqidagi gapirgan Grushko.

Xavfsizlik kafolatlari bo‘yicha Rossiya taklifi

15 dekabr kuni Rossiya TIV Amerika tomoniga RF va AQSH o‘rtasida xavfsizlik kafolatlari to‘g‘risidagi shartnoma hamda Rossiya va NATOga a’zo mamlakatlar xavfsizligini ta’minlash chora-tadbirlari to‘g‘risidagi kelishuv loyihalarini topshirdi. 17 dekabr kuni vazirlik ushbu hujjatlar matnini e’lon qildi. Ushbu hujjatlarda Moskva 1997 yilgi holatga qaytishni talab qilgan va alyans qo‘shinlari va harbiy infratuzilmasini 1997 yilgi pozitsiyalarga olib chiqishni va NATOdan keyingi kengayishdan voz kechishni talab qilgan.

Kecha, 18 dekabr kuni Oq uy Vashington va NATO rahbariyati Moskvaning Yevropada xavfsizlik kafolatlari bo‘yicha takliflarini olganini, biroq bu safar tomonlar kelisha olishiga shubha bilan qarashini ma’lum qildi. NATO Moskvaning bezovta qiluvchi harakatlarini muhokama qilishni zarur deb hisoblamoqda.