Namanganda muzqaymoq tashuvchi avtomobil tagida qolib ketgan 2 yoshli bola vafot etdi
3-sahifa
−
28 aprel 2021 5470
Namangan shahrida 2 yoshli bola muzqaymoq tashuvchi avtomobil tagida qolib vafot etdi. Bu haqda viloyat IIB Axborot xizmati xabar bermoqda.
Ma’lum qilinishicha, joriy yilning 25 aprel kuni soat 12:45 larda Namangan shahrida yashovchi 1978 yilda tug‘ilgan fuqaro KIA BONGO III rusumli avtomobilini tegishli hujjatlar bilan boshqarib, Yangiqo‘rg‘on tumanida yakka tartibdagi xususiy tadbirkor bo‘lib ishlovchi, 1988 yilda tug‘ilgan fuqaroning yashash xonadoniga kelgan.
U yerda avtomobil yukxonasida bo‘lgan muzqaymoqlarni tushirib, qaytib ketish maqsadida transport vositasini orqa tomonga harakatlantirgan vaqtida uyning orqa tomonida bo‘lgan uy egasining 2 yoshli o‘g‘lini bosib yuborgan. Oqibatda bola voqea joyida vafot etgan.
Ushbu holat bo‘yicha tuman IIB huzuridagi TB tomonidan O‘zbekiston Jinoyat kodeksining 266-moddasi 2-qismi bilan jinoyat ishi qo‘zg‘atilgan.
Live
Barchasi