Namangan viloyati SES rahbari o‘zgardi

Rahmonjon Olimjonovich Abdullayev Respublika Sanitariya-epidemologik osoyishtalik va jamoat salomatligi xizmati Namangan viloyati boshqarmasi boshlig‘i lavozimiga tayinlandi.

Rahmonjon Abdullayev 1962 yil 1 yanvar kuni Namangan viloyati Chust tumanida tavallud topgan. Ma’lumoti oliy, 1986 yili Toshkent Davlat tibbiyot institutini sanitariya-gigiyena va epidemiologiya vrachi mutaxassisligi bo‘yicha tamomlagan.

Mehnat faoliyatini 1986 yilda Namangan shahar sanitariya-epidemiologiya stansiyasida vrach- epidemiologdan boshlagan. U 1996-2017 yillar mobaynida Namangan shahar sog‘liqni saqlash bo‘limi, viloyat hokimligi, Chust tumani tibbiyot kasb-hunar kolleji, Namangan viloyati Davlat sanitariya-epidemiologik nazorati markazi, Respublika Sog‘liqni saqlash vazirligi DSENMda turli mas’ul lavozimlarda ish olib borgan.

Rahmonjon Abdullayev 2017 yil 4 sentyabrdan buyon Namangan viloyati OITSga qarshi kurash markazi bosh vrachi sifatida faoliyat yuritib kelayotgan edi. U “O‘zbekiston Respublikasi Sog‘liqni saqlash a’lochisi” ko‘krak nishoni bilan taqdirlangan. Tibbyot fanlari nomzodi ilmiy darajasiga ega.