Nyu-Yorkning sobiq gubernatori ustidan tergov boshlandi

AQSH Adliya vazirligi Nyu-York shtatining sobiq gubernatori, xuddi shu nomdagi megapolis meri lavozimiga da’vogarlik qilayotgan Endryu Kuomoga nisbatan jinoiy tergov olib bormoqda. Bu haqda “The New York Times” xabar berdi. 

Qayd etilishicha, Adliya vazirligi Kuomoning ishini taxminan bir oy oldin ko‘rib chiqishni boshlagan, tergovchilar uning pandemiya davrida Nyu-York gubernatori sifatida qilgan harakatlari haqida Kongressga yolg‘on gapirgan yoki yo‘qligini tekshirishgan. Sobiq gubernatorning vakili Kuomo tergov haqida xabardor qilinmaganini aytdi va buni [Tramp ma’muriyatining] Nyu-York meri sayloviga “aralashish rejasi" deb atadi. 

Demokrat Kuomo megapolis rahbari lavozimi uchun, shu jumladan, hozirgi mer Erik Adams bilan raqobatlashmoqda. U demokrat nomzod sifatida mer etib saylangan, ammo bu saylovda mustaqil nomzod sifatida qatnashmoqda. Tramp Oq uyga qaytganidan beri Adams ochiqchasiga uni qo‘llab-quvvatladi. Aprel oyida Nyu-York sudi Adliya vazirligi talabiga binoan Adamsga nisbatan o‘tgan sentyabrda ochilgan korrupsiya ishini rad etdi. Agentlik o‘z qarorini sud jarayoni merga noqonuniy immigratsiyaga qarshi kurash bo‘yicha Tramp ma’muriyati siyosatini amalga oshirishda yordam berishiga to‘sqinlik qilishi va Adamsning qayta saylanish kampaniyasiga ta’sir qilishi mumkinligi bilan asosladi. 

Nyu-York meri saylovi 2025 yil noyabr oyida bo‘lib o‘tadi.