MYU sobiq futbolchisi: “Ronaldu jamoaga faqat futbolkalar sotish uchun kerak”

"Manchester Yunayted"ning sobiq futbolchisi Pol Parker Krishtianu Ronalduni tanqid qildi. Uning so‘zlariga ko‘ra, portugaliyalik hujumchi "Manchester Yunayted"ga asosan PR uchun kerak.

"Menimcha, klubga Ronaldu kerak, chunki u futbolkalarni sotilishiga yordam beradi. Klub esa shu tufayli ko‘p e’tirofga sazovor bo‘ladi. Ishonchim komilki, agar u to‘pni o‘zida yaxshi saqlab turadigan "Man Siti" kabi klubda o‘ynaganida, biz Ronalduni ko‘proq harakatda ko‘rar edik. Ayni paytda u yakkalanib qolgan va kamdan-kam hollarda to‘pga tegadi. "Manchester Yunayted"da hozir o‘yin modeli yo‘q", deydi Parker.

Ma’lumot uchun, 37 yoshli portugaliyalik yulduz joriy mavsumda "Manchester Yunayted" bilan APLning 22 ta o‘yinida maydonga tushib, 9 ta gol va 3 ta golli uzatmani amalga oshirdi. Shuningdek Ronalduning hisobida Yevropa Chempionlar ligasining 6 ta o‘yinida 6 ta gol ham mavjud.

Shaxboz Qahhorov