Mourinyoning Ronaldu bilan qanday ishlash bo‘yicha bergan maslahati yana trendga chiqdi

Joze Mourinyo bir necha yil avval barcha murabbiylarga top-futbolchilar bilan ishlash bo‘yicha maslahat bergan edi. Krishtianu Ronaldu "Manchester Yunayted"ning asosiy jamoasidan chetlatilganidan so‘ng Mourinyoning o‘sha gaplari ijtimoiy tarmoqlarda yana faol aylanishni boshladi.

Portugaliyalik futbolchi "Tottenxem"ga qarshi o‘yinda qilgan ishi uchun asosiy jamoadan haydalib, hozirda o‘rinbosarlar jamoasi bilan mashg‘ulot o‘tkazmoqda.

"Mashhur futbolchilarga murabbiylik qilishni bilmasangiz, jamoani boshqara olmaysiz. Murabbiy futbolchilarni tushuna olishi juda muhimdir, siz ularga futbol o‘ynashni o‘rgatmaysiz. Ronalduga jarima to‘pini tepishni, Zlatan Ibragimovichga to‘pni ko‘krakda to‘xtatib olishni, Dide Drogbaga tezkor hujum qilishni o‘rgatolmaysiz. Ularga faqat jamoa bilan qanday futbol o‘ynash kerakligini tushuntirish lozim, degan edi Mourinyo.

Eslatib o‘tamiz, Ronalduning murabbiy bilan chiqisha olmayotganini ko‘rgan ba’zi klublar allaqachon Krishtiuaning transferi bo‘yicha harakatni boshlab yuborishdi.

Shaxzod Shukurov