Mirziyoyev tavallud kuni munosabati bilan kelgan tabriklarga minnatdorlik izhor etdi

Jamiyat

image

Bugun, 25 iyul kuni O‘zbekiston Prezidenti Shavkat Mirziyoyev uning tavallud topgan kuni munosabati bilan chin yurakdan tabriklab, samimiy qutlov va ezgu tilaklarini yo‘llagan chet el davlat va hukumat, xalqaro tashkilotlar rahbarlariga, xorijiy siyosat va jamoat arboblariga, ishbilarmon doiralar vakillariga, O‘zbekistondagi mahallalar va mehnat jamoalariga, turli kasb egalari bo‘lgan barcha vatandoshlariga chuqur minnatdorligini izhor etdi.

“Tavallud topgan kunim munosabati bilan chin yurakdan tabriklab, samimiy qutlov va ezgu tilaklarini yo‘llagan chet el davlat va hukumat, xalqaro tashkilotlar rahbarlariga, xorijiy siyosat va jamoat arboblariga, ishbilarmon doiralar vakillariga, yurtimizdagi mahallalar va mehnat jamoalariga, turli kasb egalari bo‘lgan barcha vatandoshlarimizga chuqur minnatdorligimni izhor etaman.

Hech shubhasiz, men uchun g‘oyat qadrli bo‘lgan ushbu tabrik va tilaklarni ko‘pmillatli O‘zbekiston xalqi va davlatiga yuksak hurmat hamda ehtirom ifodasi, mamlakatimizning dunyo miqyosida ortib borayotgan obro‘-e’tibori va nufuzining yana bir e’tirofi sifatida qabul qilaman”, deydi Prezident Mirziyoyev.

“Jonajon yurtimizda keng ko‘lamli demokratik o‘zgarishlarni amalga oshirishda hal qiluvchi kuch bo‘lib kelayotgan mehnatkash, mard va olijanob xalqimizga yana bir bor o‘zimning cheksiz farzandlik mehrim va hurmatimni bildirishdan behad mamnunman.

Ishonchim komilki, xalqimizning fidokorona mehnati, ulkan bunyodkorlik salohiyati va hamjihatligi bilan yangi O‘zbekistonni barpo etish, el-yurtimizning tinch-osoyishta hayoti va farovonligini ta’minlash bo‘yicha o‘z oldimizga qo‘ygan yuksak ezgu maqsadlarga albatta yetamiz.”

Chuqur hurmat bilan,

Shavkat Mirziyoyev,

O‘zbekiston Respublikasi Prezidenti


Maqola muallifi

avatar

.

Teglar

Baholaganlar

52

Reyting

3.1

Maqolaga baho bering

Doʻstlaringiz bilan ulashing