Mirziyoyev qo‘shnilar bilan hamkorlikni kengaytirish bo‘yicha yig‘ilish o‘tkazdi
Jamiyat
−
08 avgust 2022 7670
Bugun, 8 avgust kuni O‘zbekiston Prezidenti Shavkat Mirziyoyev Markaziy Osiyo davlatlari bilan hamkorlikni kengaytirish masalalari bo‘yicha yig‘ilish o‘tkazdi. Bu haqda Prezident Matbuot xizmati xabar berdi.
Qayd etilishicha, yig‘ilishda Prezident Administratsiyasi rahbari Sardor Umrzoqov, Investitsiyalar va tashqi savdo vaziri Jamshid Xo‘jayev ham ishtirok etgan.
Majlisda Markaziy Osiyo davlatlari bilan iqtisodiy hamkorlikni kengaytirishga oid yangi loyiha va takliflar ko‘rib chiqilgan.
Mamlakatda kichik biznesni yanada rivojlantirish maqsadida hududlarning investitsion jozibadorligi milliy reytingini ishlab chiqish tizimi ham muhokama qilingan.
Davlat rahbari ko‘rib chiqilgan masalalar bo‘yicha aniq topshiriqlar bergan.
“Mamlakatimizning Markaziy Osiyo davlatlari bilan do‘stona va o‘zaro manfaatli aloqalari izchil rivojlanib bormoqda. So‘nggi besh yilda ular bilan tashqi savdo hajmi 2,5 barobarga ko‘payib, 6 milliard dollardan oshgan. Yurtimizda qo‘shni davlatlar kapitali ishtirokida 1 ming 700 ta qo‘shma korxona ochilgan”, deyiladi xabarda.
Live
Barchasi22 Oktabr