Metroning “Kosmonavtlar” bekatida yong‘in sodir bo‘lgani aytilmoqda

3-sahifa 5598
image
-

Ijtimoiy tarmoqlarda Toshkent metropolitenining “Kosmonavtlar” bekatida yong‘in sodir bo‘lgani haqida xabarlar tarqaldi. Holat bo‘yicha “Toshkent metropoliteni” DUK Matbuot xizmati QALAMPIR.UZ’ga izoh berdi.

Qayd etilishicha, bugun, 23 dekbar kuni soat 12:15 da Shayxontoxur tumani “Kosmonavtlar” metro bekati ichida harakatlanib ketayotgan 4 ta vagondan iborat tarkib(sostav)ning 3-vagonida texnik sabablarga ko‘ra saqlagich (predoxranitel) kuyganligi yoki tormoz kolodkasi siqib qolganligi taxmin qilinmoqda. 

Voqea joyida hech qanday yong‘in sodir bo‘lmagan. Nosoz vagon - ta’mirlash uchun DEPOga yuborilgan.

Shuningdek, voqea joyiga shahar hamda tuman FVB rahbar xodimlari va 2 ta yong‘in-qutqaruv ekipajlari jalb etilgan.

Ta’kidlanishicha, jabrlanganlar yo‘q, baxtsiz hodisa ro‘y bermagan.

Hozirda vaziyat oqibatlari bartaraf etilgan, metro odatiy ish rejimida ishlamoqda.
 

Yulduz Abdurashidova
Maqolaga baho bering
Baholaganlar: 140
Reyting: 2.9
t
×