Messi gol urgan o‘yinda PSJ g‘alaba qozondi
Sport
−
20 iyul 2022 3283
O‘rtoqlik uchrashuvida Fransiyaning “Pari Sen-Jermen” jamoasi Yaponiyaning “Kavasaki Frontale” klubi bilan to‘qnash keldi.
O‘yin Tokiodagi “Yaponiya milliy” stadionida bo‘lib o‘tdi va parijliklarning 2:1 hisobidagi g‘alabasi bilan yakunlandi.
Uchrashuvning 32-daqiqasida PSJ hujumchisi Lionel Messi hisobni ochdi. Golga asissentlik vazifasini himoyachisi Ashraf Hakimi bajardi. 58-daqiqaga kelib, hujumchi Arno Kalimuendo oradagi farqni ikkitaga oshirib qo‘ydi. Biroq uchrashuv mobaynida yaponiyalik futbolchilar ham yomon harakat qilishmadi. 84-daqiqada yarim himoyachi Kadzuya Yamamura “Kavasaki Frontale”ning o‘yindagi yagona goliga mualliflik qildi.
Ma’lumot uchun, parijliklar amaldagi Fransiya chempioni hisoblanadi. Fransiya chempionatining yangi mavsumi joriy yilning 5 avgust kuni boshlanadi. Fransiya chempionatining 2022-2023 yilgi mavsumi 1-tur uchrashuvida PSJ “Klermon” bilan o‘ynaydi. Bahs 6 avgust kuni bo‘lib o‘tishi rejalashtirilgan.
Ma’ruf Abdumalikov
Live
Barchasi