Medvedev Rossiya kim va nima uchun urush qilayotganini ochiqladi

Rossiya o‘zi uchun muqaddas bo‘lgan yer va unda yashovchi xalq uchun "o‘layotgan dunyo"ga qarshi kurashmoqda, uning quroli – haqiqat. Bu haqda Rossiya Federatsiyasi Xavfsizlik kengashi raisi o‘rinbosari Dmitriy Medvedev o‘zining Telegram kanalida bugun, 4 noyabr kuni nishonlanadigan Milliy birlik kuni munosabati bilan yozdi.

"Biz nima uchun kurashyapmiz? Rossiya Federatsiyasi boy va ulkan davlat. Rossiyaga boshqa odamlarning hududlari kerak emas, bizda hamma narsa mo‘l-ko‘l", deydi Medvedev.

Uning so‘zlariga ko‘ra, ruslar uchun rus zaminini muqaddas deb biladi, bu yerda ularning ota-bobolari yashagan, hozir ham rus xalqi yashamoqda.

U "o‘layotgan dunyo" vakillari qatoriga bir talay aqlsiz millatchi-narkomanlar, ular tomonidan qo‘rqitilgan va aldangan xalq, hamda g‘arb itxonasidan akillayotgan kuchuklar va qulagan g‘arb imperiyasining boshqa a’zolarini kiritgan.

Shuningdek, Medvedev Rossiya o‘z yerlarini hech kimga berib qo‘ymasligini ta’kidlagan.

"Biz o‘z xalqimizni himoya qilmoqdamiz. Biz o‘zimiz uchun, yer uchun, ming yillik tarix uchun kurashamiz", deydi u.

Medvedev dushmanlar haqida Rossiya o‘zidan nafratlanganlarga, til, qadriyatlar va e’tiqodni taqiqlovchi, Vatan tarixiga nafrat uyg‘otadiganlarga qarshi kurashayotganini aytib o‘tgan.

“Ular oddiy odamlarga berilgan odob-axloqni inkor etib, o‘zlari o‘ylab topgan behayo odatlar va ikki fikrlash me’yorlaridan boshqa hech qanday ideal va e’tiqodga ega emaslar. Ularga qarshi ko‘tarilib, biz muqaddas kuchga ega bo‘ldik”, deydi Medvedev.

Uning qayd etishicha, Rossiya uzoq vaqt sukut saqladi, chunki u zaif va vaqtsizlikdan vayron bo‘lgandi. Va endi u so‘nggi o‘n yilliklardagi g‘amgin tuman va yopishqoq orzularni" silkitib tashlagan.

“Bu uyg‘onishni boshqa davlatlar ham kutgan edi, ular ham tez orada butunlay uyg‘onadi. Chirigan dunyo tartibi qulaganda, u o‘zining barcha masxara qiluvchi xizmatkorlarini, mag‘rur ruhoniylarini, qonxo‘r ustalarini va soqov manqurtlarini ko‘p tonnalik vayronalar ostida ko‘mib tashlaydi", deb yozgan Rossiya Xavfsizlik Kengashi raisining o‘rinbosari.

Uning aytishicha, barcha dushmanlarni do‘zaxga yuborish imkoniyati bor, ammo bu Rossiyaning vazifamiz emas.

“Muqaddas maqsad “do‘zax sohibini to‘xtatish”, u qanday nom qo‘ysa ham, chunki o‘lim uning maqsadidir, hayot bizning maqsadimizdir. Uning quroli – murakkab yolg‘on. Bizniki esa haqiqat. Demak, bizning ishimiz adolatli va g‘alaba bizniki bo‘ladi! Bayramingiz muborak!", deya xulosa qilgan Dmitriy Medvedev.