Masjidda imomga pichoq bilan hujum qilindi

Istanbulning Fotih tumanidagi masjidga tashrif buyurganlardan biri imom va ibodatchilardan biriga pichoq bilan hujum qildi. Bu haqda Istanbul meriyasi o‘z saytida ma’lum qildi. 

Hodisa namoz vaqtida jamoat a’zolaridan biri masjid ichida o‘zini provokatsion tuta boshlaganida sodir bo‘lgan. 

“8 yanvar kuni soat taxminan 19:15 larda Umar Salgin ismli shaxs shiorlar aytib, janjal keltirib chiqardi. Masjid imomi G‘olib Usta undan ketishni so‘radi. U esa imom va fuqaro Bilol Erdemga pichoq bilan jarohat yetkazdi”, deyiladi xabarda. 

Ikkinchi yarador masjidning doimiy ibodatchilaridan biri bo‘lgani aytilmoqda. U namoz oxirida imom xonasiga kirganida hujumchi bilan munozaraga kirishgan, yana nizo chiqqan. 

Har ikki jabrlanuvchi shifoxonaga yotqizilgan, ularning sog‘lig‘i xavf ostida emas. Hujum qilgan shaxs politsiya tomonidan qo‘lga olingan va politsiya bo‘limiga olib ketilgan. Uning xatti-harakati sabablari haqida hozircha ma’lumot yo‘q. 

Istanbul Bosh prokuraturasi masjiddagi hujum yuzasidan tergov boshladi. Ayni paytda mamlakatdagi ko‘plab siyosatchilar sodir bo‘lgan voqeani provokatsiya deb atamoqda. “AHABER” telekanaliga ko‘ra, hujumchi masjidda “La’nati, Isroil” deb baqirgan. 

Turkiya Din ishlari boshqarmasi rahbari Ali Erbash voqeani qoralab, uning idorasi vaziyatga to‘liq oydinlik kiritilgunga qadar voqealar rivojini kuzatib borishini aytdi.