Maktab avtobusi 200 metrdan quladi. 6 o‘quvchi halok bo‘ldi
Olam
−
25 mart 2022
12561Kolumbiyada maktab avtobusi 200 metr balandlikdan quladi. Oqibatda olti nafar o‘quvchi halok bo‘ldi, 15 nafari esa jarohatlandi. Bu haqda “Anadolu” agentligi xabar berdi.
Qayd etilishicha, hodisa San-Andres munitsipalitetida yuz bergan. Avtobus Shimoliy Santander departamentidagi Laguna de Ortises qishlog‘idan yo‘lga chiqqan.
Yaralanganlar, jumladan, haydovchi vertolyotda voqea joyiga yaqin bo‘lgan shifoxonalarga yotqizilgan.
Kolumbiya Prezidenti Ivan Duke Markes halok bo‘lganlarning oila a’zolariga hamdardlik bildirgan. Shuningdek, ushbu hodisa yuzasidan tegishli muassasalarga tekshiruv o‘tkazish bo‘yicha topshiriq bergan.
Avtomobil yo‘llari milliy agentligi ma’lumotlariga ko‘ra, yil boshidan buyon mamlakatning turli hududlarida sodir bo‘lgan yo‘l-transport hodisalarida 1 136 kishi halok bo‘lgan.
LiveBarchasi
07 noyabr 2023
07 noyabr 2023
07 noyabr 2023