Makron Benzemani tabrikladi
Sport
−
18 Oktabr 2022 3009
2021/22 yilgi mavsum yakuniga ko‘ra, Karim Benzema France Football nashri tomonidan Yilning eng yaxshi futbolchisi deb topildi. Karim Benzemaning “Oltin to‘p”ni qo‘lga kiritishi Fransiya Prezidentining e’tiboridan chetda qolmadi. Emmanuel Makron ijtimoiy tarmoqda xabar qoldirib, hujumchini tabrikladi.
“Uning nomi va raqami futbol tarixida qoladi. Zidan "Oltin to‘p"ni qo‘lga kiritganiga 24 yil bo‘ldi. Karim yana sovrinni Fransiyaga qaytardi. Men, o‘z navbatida, Karimning bu natijasi bilan tabriklayman”, deb yozdi Prezident.
O‘tgan mavsum Benzema “Real” bilan La Liga va Chempionlar Ligasida g‘alaba qozondi. Hujumchining o‘zi har ikkala turnirda ham to‘purarga aylandi. Benzema 2009 yildan beri “Real”da o‘ynab kelmoqda. U “qirollik klubi”da 421 ta o‘yin o‘tkazib, 223 ta gol urishga muvaffaq bo‘ldi.
34 yoshli futbolchining “qaymoqranglilar” bilan shartnomasi 2023 yilning yozida yakuniga yetadi. Futbolchining transferi 30 million yevroga baholanmoqda.
Shahzod Shukurov
Live
Barchasi