Makgregor “Chelsi”ni sotib olmoqchi
Sport
−
03 mart 2022 8838
Ikki vazn toifasida sobiq UFC chempioni Konor Makgregor “Chelsi”ning sotilishi haqidagi ma’lumotlarga munosabat bildirdi.
Tegishli ma’lumotlarga ko‘ra, Konor 3 milliard funt sterlingga “Chelsi”ni sotib olishga tayyorligini aytgan.
“Men ushbu variantni o‘rganmoqchiman”, deb yozdi Makgregor o‘zining Twitter'dagi sahifasida.
Avvalroq rossiyalik tadbirkor Roman Abramovich 2003 yildan beri egalik qilgan aktivini sotayotganini ma’lum qilgandi.
Abramovich davrida “aristokratlar” besh karra Angliya chempion, ikki marta Chempionlar ligasi va Yevropa ligasi g‘olibiga aylandi. Bundan tashqari londonliklar bir marta UEFA Superkubogi, besh marta Angliya kubogi, uch marta Angliya Liga kubogini va ikki marta Angliya Superkubogini qo‘lga kiritdi.
Shaxboz Qahhorov
Live
Barchasi