Madaniyat va turizm vaziriga yangi o‘rinbosarlar tayinlandi

Prezident qarori bilan Madaniyat va turizm vaziriga yangi o‘rinbosarlar tayinlandi. Bu haqda O‘zA xabar berdi.

Qayd etilishicha, Bahodir Ahmedov hamda Murod Majidov madaniyat va turizm vazirining o‘rinbosari lavozimlariga tayinlandi.

Shuningdek, Firdavs Abduxoliqov Madaniyat va turizm vazirligi huzuridagi Kinematografiya agentligi direktori lavozimiga tayinlandi.

Rustambek Qurbonov Madaniyat va turizm vazirligi huzuridagi Millatlararo munosabatlar va xorijiy mamlakatlar bilan do‘stlik aloqalari qo‘mitasi raisi lavozimiga tayinlandi.

Baxtiyor Ibrohimov boshqa ishga o‘tishi munosabati bilan turizm va madaniy meros vazirining o‘rinbosari lavozimidan, Nusratilla Zikrillayev turizm va madaniy meros vazirining o‘rinbosari lavozimidan, Botir Shaxriyorov turizm va madaniy meros vazirining o‘rinbosari lavozimidan, Umid Qo‘qonboyev madaniyat vazirining o‘rinbosari lavozimidan ozod etildi.