Mahalla raisi – Prezidentning quyi bo‘g‘indagi ustuni – Mirziyoyev
Jamiyat
−
15 yanvar 2021
3479O‘zbekiston Respublikasi Prezidenti Oliy Majlisga Murojaatnomasida barcha darajadagi rahbarlar pastga tushib, o‘z sohasi bo‘yicha ishni mahallalarda tashkil etishi, muammolarni o‘rganib, ularga yechim topishi zarurligini ta’kidlagan edi. Shu bilan birga, mahalla idorasining vakolatini kengaytirish, rais va xodimlarning moddiy ta’minotini yaxshilash bo‘yicha tashabbuslar ilgari surilgan edi.
Shavkat Miriyoyev shunday ishlar bilan tanishish maqsadida Yunusobod tumanidagi “Yangibog‘” mahalla fuqarolar yig‘inida bo‘ldi. Bu haqda Prezident Matbuot xizmati xabar berdi.
Xabarga ko‘ra, bu yerda 7 ming nafarga yaqin aholi istiqomat qiladi. 2 mingdan ziyod oila mavjud. Yangi qurilgan mahalla guzari binosida keng sharoitlar yaratilgan.
Shu yerda Yunusobod tumanidagi mahallalar faollari bilan muloqot bo‘lgan.
“Mahalla raisi – Prezidentning quyi bo‘g‘indagi ustuni. Mahallaning iqtisodiyotini o‘zgartirsak, jamiyatimiz o‘zgaradi. Buning uchun yoshlarning tashabbuslarini qo‘llab-quvvatlash, “Har bir oila – tadbirkor” dasturidan samarali foydalanish kerak”, deydi Shavkat Mirziyoyev.
Ko‘p qavatli uylarga sifatli xizmat ko‘rsatuvchi boshqaruv kompaniyalari tashkil etish, ichki yo‘llarni ta’mirlash, maishiy xizmatlarni ko‘paytirish bo‘yicha ko‘rsatmalar berilgan.
LiveBarchasi
07 noyabr 2023
07 noyabr 2023
07 noyabr 2023