LUKOYL direktorlar kengashi rahbari derazadan yiqilib, vafot etdi 

LUKOYL direktorlar kengashi rahbari, birinchi ijrochi vitse-prezidenti Ravil Maganov Moskvadagi Prezident ma’muriyatining Markaziy klinik shifoxonasi derazasidan yiqilib vafot etdi. Bu haqda RBK xabar berdi.

Nashrning huquq-tartibot idoralaridagi suhbatdoshiga ko‘ra, voqea ertalab soat 7:30 da sodir bo‘lgan, top-menejer oltinchi qavatda joylashgan derazadan tushib ketgan. Dastlabki ma’lumotlarga ko‘ra, o‘limga yiqilish oqibatida olingan jarohatlar sabab bo‘lgan.

Huquq-tartibot idoralari Ravil Maganovni o‘z joniga qasd qilganlikda gumon qilmoqda. 

Qayd etilishicha, politsiya xodimlari va Tergov qo‘mitasining tergovchilari voqea joyida ishlamoqda, ular shifoxona xodimlari va bemorlarning navbatchilik smenasini so‘roq qilmoqda. Tergovchilar videokuzatuv kameralaridagi yozuvlarni tekshirishlari kerak bo‘ladi.

RBK Moskvadagi Rossiya Federatsiyasi Tergov qo‘mitasiga so‘rov yuborgan.